Alexandriara heldu gara.
Kairoko musikari askorekin elkartu eta gero, Port Saidera abiatu ginen El Tanboura taldearekin egoteko. Assiouten izan ginen sufi zeremonia batean Sheik Ahmed El Tounik gonbidatuta, eta orain iritsi gara Alexandriara.
Metropole hoteletik hiri honetako corniche ederra ikusten da, eta imajina dezaket nola Konstatinos Kavafis aritu zen hemendik idazten, agian, ziutateaz…
Fermin Muguruza
Ziutateaz
“Beste lur, beste itxaso batera
joango naiz, eta ziutate hobeago bat
aurkituko dut benetan,
ze nere ahalegin guztiak kondenatuak baitaude hemen
eta nere pentsamendua bezala,
ixiltzen baita nere bihotza
makaldade desolatu honetan.
Non jartzen ditudan nere begiak
hantxe nere bizitzaren ruinak bakarrik ikusten ditut
eta hemen pasa
edo ezeztatu ditudan urte ugariak.”
“Ez duk aurkituko ez beste itxaso ez beste lurrik.
Ziutatea hirekin joango duk beti. Betiko kaleetara
itzuliko haiz.
Suburbio berdinetan helduko zaik edadea ;
Ze, ziutatea berbera baita beti. Etzak besterik bilatu.
Etzegok.
Ezta hiretzako bide edo barkurik ere.
Hemen galdu duan bizitza
lur guztirako galdu duk. “
Konstantinos Kavafis
Itzulpena: HENRY BENGOA INVENTARIUM - B.Atxaga/R.Ordorika/J.M.Iturralde Hika Antzerki taldea (1995)
