11 / 09 / 07
Comunicaçom 040

Olá meus:

TALKA TOUR 2007
Acabada a turnê, aqui estou mais umha vez para retomar as comunicações escritas em primeira pessoa.
Para começar, tenho que agradecer o compromisso de Aitor NG, polo óptimo trabalho realizado nesta página web. Todas as notícias que aconteciam em torno à turnê, as ligações com os festivais em que actuávamos, os endereços das salas que visitávamos, as fotos, mudanças de datas, entrevistas, e também a informaçom acerca da perseguiçom ideológica, mais umha vez, dos fascistas do PP e da AVT, tiverom o melhor segumento que se lhe tenha podido fazer até hoje, e isto foi graças, em grande parte, ao seu labor.
Como sempre, e obrigatoriamente, agradecer infinitamente a solidariedade, entrega, presença, comunicaçom, calor e cor de todos os que acudistes a cada concerto.
Apesar das travas e dificuldades logísticas, a turnê foi umha cousa extraordinária ao mesmo tempo. E como pudemos reunir mais material audiovisual e documentos gráficos que nunca, ocorreu-se-nos que podíamos preparar um livro de fotos com um DVD sobre a turnê. Fernando Sapo, para além de se ocupar de diferentes tarefas de produçom, realizou fotos alá por onde passávamos com umha focagem original e pessoal. Estas instantáneas, junto às que nos enviastes, formarám o livro de fotos da turnê. Como complemento, incluiremos um DVD com diferentes canções ao vivo e um road-movie da turnê.
É claro, se algum de vós tiver por aí algumha cousa de material e ainda nom no-lo enviou, que o faga rapidamente ao endereço de TALKA Records, 291 postakutxa, 20.300 IRUN.

IRUN, LION, ZION in DUB (Vol. 1)
O livro de fotos + DVD da turnê 2007 nom será o único trabalho que para o inverno porá na rua o selo TALKA Records. Sob o título IRUN, LION, ZION in DUB editará-se em CD umha nova Irun-ligaçom. Será um recompilatório de diferentes músicos e artistas que, pola sua uniom ao eixo da Plaza Roja do bairro Mosku, realizarám as suas achegas tomando a música DUB como espaço livre de encontro.
Podeis ir imaginando os companheiros de viagem que participarám nesta nova aventura. Aginha mais detalhes.

TODOS LOS DÍAS SON TUYOS
O 7 de Outubro apresentará-se no Festival de Cinema Internacional de Morelia (México) a opera prima do realizador mexicano José Luis Gutiérrez-Arias: Todos los días son tuyos (Todos os dias som teus). A longametragem foi produzida pola UNAM e tem como um dos actores principais a Emma Suárez.
A composiçom e interpretaçom do tema principal que leva o nome do filme e mais outras duas som da minha própria factura. O resto da banda sonora é obra de Raúl Avellaneda. Esperemos que chegue aginha ao Estado Espanhol, se é capaz de superar a santa censura.
Como podereis observar, achega-se um outono cheio de acçom.
Um abraço grande e até logo:
Fermin Muguruza