06/09/06
Komunikazioa 33

Aupa lagunok:
Uda beroa izan bada, irail gorria datorkigu, eta ez naiz eguraldiaz ari.
Labur labur momentuz, apunte batzuk emango ditut zenbait egitasmoen inguruan:

Bass-que Culture:
Jamaikan izandako esperientzia jasotzen duen “Bass-que Culture” dokumentala, irailaren 16an proiektatuko da Berlinen, Kato Clubean, Lucha Amada taldeko lagunek antolatu duten jaiaren barruan.

“Euskal Herria Jamaika Clash” diskoaren nazioarteko banaketa:
Irailaren 15ean hasiko da “Euskal Herria Jamaika Clash” diskoaren banaketa Alemanian, PIAS Germany banatzailearen eskutik.
Laster disko honek ezagutuko ditu beste bi edizio nazioartean; bata Japonen, P-Vine diskoetxearen eskutik eta bestea Mexikon, Home argitaletxearen bidez.

11/11:
Elkartasunezko kontzertu bat prestatzen ari naiz aurtengo azaroaren 11erako eta bertan diskoa aurkezteko parada izango dut. Euskal Herrian izanen da eta irailaren 21ean egingo den prentsaurrekoan emango dira zehaztasun guztiak jaialdiaren inguruan.
Diagonal egunkarian eginiko iragarkia duzue hemen:

Laster arte lagunak:
Fermin Muguruza

Hurrengo komunikazioa: 2006/09/22